لا جديد في الزمالك ... فصفقات الموسم الحالى مثل كل موسم ترك نصف الملعب والجانب الأيسر و حراسة المرمي المحتاجين لتدعيم ويسعى للتعاقد مع عبدالله السعيد.


من الثوابت العلمية خلال السنوات الأخيرة ، انه عندما تسمع تصريح لمسئول زملكاوى بأن اللاعب الفلانى اقترب من الزمالك بنسبة 90%
أعلم تمام العلم أنه سينضم للأهلى بنسبة 100% .

كل موسم من مواسم الإنتقالات يظهر بطل وحيد يحتل الشاشة حتى نهاية فيلم الصفقات،السنة دي ظهرلنا أربع ابطال بداية بشيكابالا ومروراً بوليد سليمان
ثم حسني عبدربه وأخيراً عبدالله السعيد ... بس للإسف كلها افلام فاشله.

الأهلى صرف 20 مليون للتعاقد مع 5 لاعيبن وفرط في 16 لاعيب لم يدخلوا خزينة النادي نص هذا المبلغ.

تعاقد الزمالك الموسم الماضى مع ابو كونية ووجية عبد العظيم وعاشور الأدهم ومحمد لمين عودية وعماد محمد ومحمد يونس والسنة دي استغنى عنهم جميعاً بلا إستثناء وهي دي فايدة لجنة الكرة اللى كانت موجودة الموسم اللى فات في نادي الزمالك.

انبي لم يتعاقد إلا مع أحمد بلال وحرس الحدود تعاقد مع محمد صلاح من غزل المحلة فقط
والمسؤلين بالناديين بيقولوا عايزين ننافس ... نافس على المنطقة الدافئة ان شاء الله.

غزل المحلة لم يتعاقد مع اى لاعب،وفرط في تلاتة لاعبين من القوام الأساسي للفريق بس ولا يهمكوا سميرزاهر موجود،اهبطوا تاني والمرة دى هنصدر قرار بمنع هبوط اى نادي يزيد جماهير عن 100 مشجع بأعتباره نادي جماهيري.

الإتحاد السكندري تعاقد مع 23 لاعب،امال الإتحاد كان بيلعب بمين الموسم اللى فات اصلاً.

هو أمير سعيود أخد أنذار ليه لما شاط ركله الجزاء التاريخية في مباراة الأهلي وكيما أسوان،انا افتكرت الحكم كان رايح يقومه ويطبطب عليه.

الهدف الرابع للنادي الأهلي في مرمى كيما أسوان يؤكد على أن حارس فريق كيما كان فاكر ان دة ماتش طايرة مش كورة .. دة حتى كان طالع يعمل بلوك.

الزمالك يختبر جالو البرازيلي في معسكر الفريق من النمسا .. ودة جالو منين دة؟

ليفربول يعتذر عن مواجهة الزمالك ... خش جنب اخواتك خش.

للتواصل مع الكاتب

https://www.facebook.com/eL7eKemDar