-نداء لمجلس ادارة النادي الأهلي،ياريت تكلفوا نفسكوا وتشتروا جوانتي جديد لأحمد عادل معلش،اي نعم هتبقي عبء على الميزانية بس الراجل مش عارف يمسك كورة يا جماعة الجوانتي بيزحلق.

-صالح سليم : الأهلي  ... اعور وسط عميان ... الله يرحمه،لخص حال الكرة المصرية في كلمتين.

-أبراهيم حسن :رحيل السعيد عن الأسماعيلي وراءة مخطط من نادي قاهري مشهور .... لكن حاولت اعرف منه اسم النادي مرضيش يقولى ابداً لكن انا عرفت كدة بالفكاكة انه الأهلي.

-اكرامي : لا يوجد في مصر حارس مرمى افضل من حراس الأهلي الثلاثة ... غير حداشر اتناشر واحد كدة ودة طبعاً عدد لا يُذكر.

-هيثم فاروق :فوز الأهلي بالدوري وصجة الرئيس من اهم الأمور التي كانت تشغل النظام السابق ... وكانت تشغل نظام السادات وبال عبد الناصر ومحمد نجيب وبال الملك فاروق وبال االإحتلال الإنجليزي وبال الملك خوفو.

-نفهم من ضربة الجزاء اللى ضيعها رونى في ماتش تشيلسي على طريقة "سعيود" انة في طريقة للأسماعيلي؟

-اسماعيل يوسف يؤكد ان ميدو مازال امامه 10 ايام في البرنامج التأهيلي ليفقد الوزن الزائد ... هو ميدو بقاله كام سنة بيتأهل،انا بتهيألى الزمالك لو بيأهل ديناصور كان زمانه بقي جاهز دلوقتى.

-عبدالله السعيد في الأهلي رسمياً ... قولتش حاجة انا،مش دة اللى كان يقترب من الزمالك بنسبة 90%.

-عبدالله السعيد : لم أكن اهلاوياً في يوم من الأيام ولكني لاعب محترف وسأبذل كل جهدي لإسعاد جماهير القلعة الحمراء..مع انك لو كنت قولت انك اهلاوي وان عيلتك كلها اهلاوية كانوا هيصدقوك عادي
دة طارق السعيد اللى كان ناشىء في الزمالك قالها وصدقوه يا راجل.

-كامل ابو على يقرر استمرار المصري في اللجنة السباعية مراعاة للظروف التي تمر بها البلاد .... لا وطني!!

-لاعبو الزمالك رقصوا فرحاً بعد هدف الترجي وغنوا "أولييه" ... استحالة التصرف دة يطلع من لاعيبة الزمالك ،أكيد مكنوش بيغنوا "اولية" ... اكيد كانوا بيغنوا اغنية تانية.

-حسام غالي : لن نفرط في بطولة الكأس ... ايوة زي بطولة دوري الأبطال بالمللى.

-مدرب مانشيستر سيتي روبرت مانشيني بعد ان صرف الأمارتيون 300 مليون استرليني على الصفقات في 3 مواسم،يصرح "نحتاج لضم لاعبين جدد للفريق"... معاك حق يا مانشيني يا اخويا .. يعملوا اية 300 مليون في الزمن الأخبر دة ،دة فابيو جونيو اللى الأهلي جابوا وملعبش ولا ماتش بمليون و 600 الف.

بدون تعليق:-

جوزية لمصطفي يونس ""تزوجت وأنجبت.. والدور على من تزوج ولم ينجب".

للتواصل مع الكاتب

http://www.facebook.com/eL7eKemDar