حابب اتكلم بالعامية .. مش هطول عليكم .. زي ما بيتقال كام كلمة ورد غطاها .. هسأل بس كام سؤال عارف إجاباتهم .. وبعدين تعليق بسيط بعد ما خلص فيلم الصيف "الشيخ" بنجاح ساحق وإيرادات هائلة ..

الأهلاوية

ها غيرت صورة بروافايلك لكابتن زيزو؟

هللتوا وقلتوا طول عمرنا نادي المباديء والقيم الاحترام ؟

قلتوا الأهلي فوق الجميع ؟

قلتوا أدَبنا مرتضى ومقدرش يرد ؟

غردتوا بـ  #كابتن_زيزو ؟

طب قلتوا قصفنا جبهة ؟

طب قلتوا طاهر رصهم له ؟

أكيد منسيتوش الأهلي يحكم والأهلي يا دولة وانتصرنا وكسبنا الحرب 

كدا انت تمام أوي وأهلاوي صميم وممكن تديله عمرك وبردو يكون قليل

الزملكاوية

قلتوا مرتضى الحراااااااق ؟

قلتوا سحبنا الشكوى عشان متعيطوش والكبير بيسامح ؟

قلتوا انتهى الدرس يا غبي واللي هييجي على السكة هيتركن على الدكة ؟

قلتوا أخلاق الفرسان ؟

أكيد قلتوا الأهلي بيتقمص

بس قلتوا انا بابا يله ؟

قلتوا أبطال الدوري وحرقان وبجاحة ؟

قلتوا نادي الكرامة وحبيب الشرطة والجيش والشعب ؟ 

تمام .. انت كدا زملكاوي أصلي والزمالك كلمة من 7 حروف بتهز كيانك

اشطة أوي .. مستني الجزء العشرومية من الفيلم في يناير بجميع دور العرض ..