فريق الزمالك
فريق الزمالك

شن حمادة عبد اللطيف نجم نادي الزمالك الأسبق هجوماً على لاعبى الفريق الحالي وذلك بعد الخروج من بطولة كأس مصر على يد المصري البورسعيدي بثنائية نظيفة في نصف النهائي.

وقال "عبد اللطيف" في تصريحات لقناة "ال تي سي" : "مش اي لاعب يلعب في الزمالك ، لاعب الزمالك لازم يكون شخصية تانية ده نادي العظماء ونادي الملكي ولما مكناش بناخد بطولات بس كان في روح وأداء".

وواصل حاوي الزمالك تصريحاته : "الزمالك اسمه مدرسة الفن والهندسة بس دلوقتي نادي الزمالك البلاي ميكر بتاعه الونش أو معروف يوسف ، مش شامم ريحة الزمالك  ، خلوا عندكم دم وروح وحسوا بالجماهير".

وإختتم "عبد اللطيف" حديثه : "لازم نبص السنة الجاية ازاي نبدأ ونخطط ونجيب اللاعب اللي يفيد الفريق مش 13 و 14 لاعب ، انت جايب 6 مهاجمين و5 افارقة".