مباراة سابقة بين الأهلى والمصري
مباراة سابقة بين الأهلى والمصري

إنتقد عفت نصار نجم نادي الزمالك الأسبق طلب النادي الأهلى بوجود كشف للمنشطات في مباراة فريقه أمام المصري البورسعيدي في نهائي بطولة كأس مصر والمقرر إقامتها الثلاثاء المقبل.

وقال "نصار" في تصريحات لقناة "دي ام سي سبورت" : "الحاجة اللي ضايقتني ان الأهلى طلب كشف منشطات في ماتشه مع المصري ، إشمعنى الماتش ده اللي طلبوا فيه كشف المنشطات ، إذا كان من باب أولى طول السنة".

وواصل نجم الزمالك الأسبق حديثه : "كان في كلام من أول السنة أن في أندية لاعيبتها بتتناول المنشطات بموافقات المدير الفني ، ومش من حق الأهلى والمصري انه يتكلم المفروض ده حق اتحاد الكرة هو اللي يقول بيعملوا بلبلة على الفاضي".

واختتم "نصار" : "في احد الاعلاميين طلع وقال ان لاعيبة المصري بتجري جري غير معتاد وبيهاجموا من اول دقيقة للأخر في الماتشات ودي فكرة جت للناس ان لاعيبة المصري بتاخد الكلام ده ، وده مش توقيت خالص وبيزود العلاقة السيئة بين الأهلى والمصري".