خالد الغندور
خالد الغندور

هاجم خالد الغندور قائد نادي الزمالك السابق مجلس إدارة القلعة البيضاء الحالي بعد أنباء إقتراب رحيل قائد الفريق محمود عبد الرازق "شيكابالا" ورحيل بعض اللاعبين من الفريق الأبيض بدون علمهم وعدم التعاقد مع مدير فني جديد.

وقال "الغندور" في تصريحات مصورة : "شيكابالا لاعب كبير ميمشيش بالطريقة دي ، انا كنت احد أسباب عودته للزمالك وكل الناس عارفة وانا كنت ضد انه يلعب 90 دقيقة مع اوجوستو إيناسيو لأن عنده قصور في الناحية الدفاعية".

وواصل قائد الزمالك السابق حديثه : "الزمالك عايز يمشي شيكابالا ويجيب كابوريا ، مع احترامي يعني شيكابالا احسن من لاعيبة جت ولاعيبة مشيت من النادي ، ده كان احسن لاعب في الفريق الموسم اللي فات".

وأضاف "الغندور" : "الزمالك محتاج يجيب باك ليفت مش لاعيبة تحت رأس الحربة ، في أكتر من لاعب تحت رأس الحربة هنعمل بيهم ايه كلهم ؟".

واختتم قائد الزمالك حديثه : "ناقص 20 يوم على بداية الدوري الجديد والزمالك مجابش مدرب وبيمشي لاعيبة وبيجيب لاعيبة وبيبدل لاعيبة ، في لاعيبة مشيت من غير ما تعرف زي حسني فتحي ما راح المقاصة ، اللاعيبة دي بني أدمين مش بهايم لازم تعرض عليه يوافق أو ميوافقش".