فريق الأهلي
فريق الأهلي

أشاد أحمد حسام "ميدو" المدير الفني السابق لنادي وادي دجلة بالنادي الأهلي بعد فوزه بلقب كأس السوبر مساء الجمعة على حساب المصري البورسعيدي بهدف نظيف.

وقال "ميدو" في تصريحات لقناة "أون سبورت" : "بقولها بكل صراحة .. في فارق بين الأهلي وبين أقرب الأندية له على المستوى المحلي لسبب ضعف الامكانيات في بعض الأندية والتخبط الإداري في بعض الأندية الأخرى".

وواصل مدرب دجلة السابق حديثه : "الأهلي في مصر بقى عامل زي بايرن ميونخ في ألمانيا ، بقى في فارق بين النادي اللي بعديه لأسباب مختلفة وبقولها كزملكاوي بآلم وامتعاض".

وأضاف "ميدو" : "خطوة الأهلي الجاية يكسب افريقيا ويروح كأس العالم للأندية ، عايزين يجيبوا مدافع بديل لحجازي وأن أيمن أشرف مش هو البديل لأنه لاعب مختلف وبديل لحسام عاشور لأنه لو حصله حاجة مفيش لاعب رقم 6 لو قدروا يخلصوا هيقدروا يفوزوا ببطولة افريقيا".

واختتم مدرب دجلة السابق حديثه : "انا برفع القبعة لمسؤولي الأهلي لأنهم قدروا يجيبوا 4 لاعبين أجانب مميزين وهما معلول وازارو وأجايى وباكا في السكة جاي".