رمضان صبحي جناح ستوك سيتي
رمضان صبحي جناح ستوك سيتي

تحدث عبد الظاهر السقا مدافع وقائد منتخب مصر الأسبق عن تجربة رمضان صبحي الإحترافية مع ستوك سيتي الإنجليزي.

وقال "السقا" في تصريحات لقناة النادي الأهلي : "لا أحد يختلف على موهبة رمضان صبحي الكبيرة ولكن هل عمل رمضان صبحي بأسباب النجاح ؟".

وواصل قائد مصر الأسبق حديثه : "كل المعطيات بتديله أنه ينجح في الدوري الانجليزي ، لو عمل بكل أسباب النجاح هينجح السنة دي أو السنة الجاية أو اللي بعدها ، والأرقام مبتكدبش ولازم يكون عنده هدف وطموح أعلى من كده لأن موهبته أكبر من كده".

وأضاف "السقا" : "رمضان داخل على سنتين في الدوري الانجليزي ، خلاص عاش في الجو وعارف الكورة هناك عاملة ازاي وايه اللي ناقصه يغيره عشان يلعب وايه المدرب عايزه منه وهل هو مقصر ولا مش مقصر ولازم يحسبها مع نفسه".

واختتم حديثه : "محمد صلاح في بدايته الاحترافية في سويسرا اختلف بشكل كبير جداً لأنه اشتغل على نفسه ، محتاجة تضحية من اللاعب لكن رمضان لازم يبص لكأس العالم عشان يعلي سعره وممكن بعد المونديال نزود كمان عدد المحترفين".