لاسارتي
لاسارتي

شن عدلي القيعي، مستشار التعاقات بالنادي الأهلي، هجومًا عنيفًا على الأوروجوياني مارتن لاسارتي مدرب الأهلي السابق.

وكان مجلس إدارة النادي الأهلي قد قرر توجيه الشكر لمارتن لاسارتي بعد الخسارة من بيراميدز للمرة الثالثة في الموسم الماضي، والخروج من كأس مصر.

وقال "القيعي" عبر قناة الأهلي: "كان لازم لاسارتي يمشي دلوقتي، وبسبب المؤتمر الصحفي، لأن أسوأ مدرب هو اللي بيلوم الأخرين، حصل على كل الدعم من النادي".

وواصل حديثه : "كان المفروض يقدم استقالته، أول مرة أشوف مدرب بيسحب الثقة من اللاعبين والإدارة، قال مجابوش اللي انا عايزه، هو أنت لعبت بالجداد؟ لاسارتي فقد صوابه".

وأضاف : "مكنش ينفع يستمر مع الأهلي 5 دقائق بعد المؤتمر، قال أنا جبتلكم الدوري، المفروض نديله مكافأة سفرية 6 أشهر على حساب النادي مثلا؟ أنا مشوفتش مدرب كده في حياتي".

واختتم "القيعي" حديثه : "أي فلوس ندفعها ويمشي أحسن، مقالش حتى شكرًا للنادي اللي جابله الصفقات، ائتمناه على النادي ولم يؤتمن، المؤتمر الصحفي فسر كل شئ، لاسارتي عايز فرق مش بتاعة بطولات، راجل مبيتحملش الضغوط".