Adsense

فيديو مرتضى منصور.. تصريحات نارية بعد العودة للزمالك

366

تحدث مرتضى منصور رئيس الزمالك عن عودته من جديد لرئاسة النادي، مؤكدا أنه لن يقوم بتصفية الحسابات مع أي شخص.
وقال منصور: “الحمدلله المجلس كله بالكامل عاد لمكانه الطبيعي، مشونا في نوفمبر 2020 ورجعنا في نوفمبر 2021، والحق رجع لأصحابه وبشكر جماهير نادي الزمالك على وقفتهم معانا اللي مجتش من بعض اللي بيسموهم رموز”.
وواصل: “أتمنى اللي حصل في الزمالك ده ميحصلشي مستقبلا ثاني أبدا، وميبقاش في لجان ثاني في الزمالك”.
وفتح مرتضى منصور النار: “كل الكلام اللي إتقال من اللجنة اللي فاتت بخصوص عقوبات الفيفا كذب ومش حقيقي، وهنثبت لكل الناس إن إحنا اللي لينا حق في قضايا جروس وبوطيب وغيرها”.
وواصل: “اجتمعنا النهاردة كمجلس إدارة بالكامل، واتخذنا بعض القرارات واللي هعلن عنها بكرة في المؤتمر الصحفي، مين هيمسك المجلة، مين هيمسك الموقع، كل التوضيبات الداخلية، وهنعمل ايه الفترة الجاية”.
وأردف: “كل الحاجات دي خلاص قررناها بالإجماع علشان محدش يقول قرارات مرتضى، وهنعلن عنها بكرة باذن الله”.
وختم: “إحنا مش جايين نصفي حسابات مع حد، و لكن إحنا جايين نرجع الحق لـ أصحابه، كل واحد وقع عليه ضرر بسببنا هايرجع حقه، و كل اللي كان بيطبل و يزمر و تم مجاملته هايبقى له حدود، وبشكر كل اللي وقف معانا الفترة اللي فاتت و على رأسهم سالم الشمسي و محمد مصيلحي و ماجد سامي، و مش عايز أنسى حد وجاتلي مكالمات من كل الدول العربية”.

 

Adsense

Adsense